Connect with us

India

சுற்றினாலும் காற்று வருவதில்லை?

அறையின் அளவுக்குத் தகுந்தபடிதான் மின்விசிறியின் அளவு இருக்க வேண்டும். பெரிய கூடத்துக்குச் சிறிய மின்விசிறியைப் பொருத்துவது தவறு. சிறிய அறைக்குப் பிரம்மாண்டமான மின்விசிறியைப் பொருத்துவது அபத்தம். மின்விசிறியை வாங்கச் செல்வதற்கு முன் அறையின் நீள, அகல, உயரங்களைத் துல்லியமாக அளந்து கொண்டு செல்லுங்கள். சில மின்விசிறிகளின் மேல் அட்டையிலேயே எந்த அளவு கொண்ட அறைக்கு எந்த அளவுக்கு நீளமான இறக்கைகளின் பரப்பு (Blade span) தேவை என்று போட்டிருப்பார்கள். அப்படி இல்லையென்றாலும் அந்தக் கடையில் உள்ள அனுபவமிக்க விற்பனையாளர் உங்களுக்கு உதவியாக இருப்பார்.

சிறந்த மின்விசிறிக்கும் அப்படியில்லாத மின்விசிறிக்கும் இடையே உள்ள வித்தியாசமாக அதன் மோட்டார் என்பது இருக்கவே வாய்ப்பு அதிகம். தொழில்நுட்பப்படி முறையாக உருவாக்கப்பட்ட மோட்டார் என்றால் மின்விசிறி இரைச்சல் இல்லாமல் சுற்றும். இலகுவாகச் செயல்படும். போதிய காற்றோட்டத்தை அளிக்கும்.

சிலர் குளியலறைகளுக்குக்கூட மின்விசிறியைப் பொருத்துகிறார்கள். ஒன்றை நினைவில் கொள்ளுங்கள். ஈரம் அதிகமுள்ள அறையில் பொருத்தப்படும் மின்விசிறிகள் துருவுக்கு எதிராகச் செயல்படும் தன்மை கொண்ட பெயிண்ட் அடிக்கப்பட்டவையாக இருக்க வேண்டும். குளியலறையில் மின்விசிறி பொருத்தவில்லையென்றால் இந்த ஆலோசனையைக் கண்டு கொள்ள வேண்டாம் என்று இருந்து விடாதீர்கள். கடற்கரைப் பக்கமாக உள்ள வீடுகள் அனைத்தும் மின்விசிறியைத் துருப்பிடிக்க வைக்கக் கூடியதுதான். கவனம் தேவை.

மின்செலவைச் சேமிக்கும் வகையிலான மின்விசிறிகள் உண்டு. இவற்றைப் பொருத்தினால் மின்சாரச் செலவு பாதியாகக் குறையவும் வாய்ப்பு உண்டு. வரவேற்பறை, கூடம் போன்ற பலரும் வந்து அமரக்கூடிய பகுதிகளில் அழகான, கம்பீரமான மின்விசிறியைப் பொருத்துங்கள்.

தினமும் ஆரோக்கிய குறிப்புகளை
பெற தமிழ் டாக்டர் Appயை
கூகிள் Play Store இப்போதே
Download செய்யுங்கள்👇

Tamil Doctor app
Click to comment

Leave a Reply

Your email address will not be published.

Trending